Cisco PIX галтхана #3 - Галтханын үндсэн командууд

Chapter3
3 PIX Галтханын үндсэн командууд

Энэ хэсэгт үндсэн командын мөрийн холболтын байгууламжын командууд (CLI), нөөцлөх хадгалах болон буцаан сэргээх командууд, “show”-командын дэд хэсгүүдийг үзэх болно.

Командын мөрийн холболтын байгууламжын (CLI) үндсэн командууд.

Зураг 3.1 Терминалаар холбогдсон байгаа нь

PIX Галтхана нь Cisco 2600, 3600 зэрэг рутер төхөөрөмжүүдийн адил IOS үйлдлийн систем дээр ажилладаг болхоор командын интерфэйс нь ерөнхийдөө ижилхэн, харин дийлэнх командууд нь ялгаатай байдаг. enable командаар privledged горимд орно, ?-ын тэмдэгээр хязгаарлагдмал болоод давуу эрхтэй горимуудад командуудын жагсаалтыг харна, глобал тохиргооны горимд орохдоо conf t ашиглаж орно. Мөн тусламжын help зэрэг командууд байгаа зэрэг нь бидний өмнө нь CCNA дээр үзсэн ерөнхий командууд байгаа юм. enable password командаар 3-16 тэмдэгтийн урттай үсэг, тоо, тусгай тэмдэгтүүдийг ашиглан, нууцлалын кодлол ашиглах эсэхийг зааж, давуу эрхтэй горимд орох нууц үгийг өгнө. hostname командаар хостын нэрийг өгнө. Жнь:

Pixfirewall(config)#hostname isp

isp(config)#

Консолийн идэхгүй байх хугацааг тохируулахдаа:
isp(config)#console timeout 25
гэж өгвөл ямарч идэвхитэй үйл ажиллагаа консолоор явагдахгүй байвал 25 минутын дараа консолоос гаргах болно. Түүнчлэн telnet, ssh-ын timeout хугацааг зааж өгч болно. Анхдагч утга нь 0 байдаг нь хугацаагүй гэсэн үг юм.

Анхааруулгын мэдээлэл гаргахад зориулагдсан гурван төрлийн banner комманд байдаг. Давуу горимд орохын өмнө гарах мэдээллийг banner exec коммандаар, виртуал терминал болох telnet болон ssh-ээр давуу эрхтэй горимд холбогдоход гарах мэдээллийг banner login коммандаар, терминалаар холболт тогтоход banner motd коммандаар тус тус бичиж өгнө.

isp(config)#banner exec Anhaar! Ta Isp toviin tohooromjind nevtreh gej bna.

Баннерийг устгахдаа:
isp(config)#clear banner гэж өгнө.

Баннерийг харахдаа:
isp(config)#show banner гэж өгнө.

Ажиллаж байгаа тохиргооны файлыг харахдаа:
isp#show running-config гэж бичиж интерфэйсүүд, хостын нэр, тохиргоонууд, кодлогдсон нууц үг гэх мэт тохиргооны мэдээллүүдийг харж болно.

Тэжээл салаад дахин эхлэх үеийн хадгалагдсан тохиргооны мэдээллийг харахдаа:
isp#show startup-config

Ажиллаж буй тохиргоондоо өөрчлөлт оруулаад хадгалах болвол:
isp#write memory

Харин устгахдаа:
isp#write erase гэж бичихэд устахыг баталгаажуулаж асууна. Yes гэж өгөөд унтраагаад дахин эхлүүлвэл анхдагч тохиргооны файлаас тохиргоог уншина.

Унтраагаад дахин эхлүүлэхдээ:
isp#reload командыг бичиж баталгаажуулан yes гэж өгнө.

Сүлжээн дэх хостын нэрийг өгөхдөө:
isp#(config)#name 202.72.241.3 IspWeb гэж өгнө.

Сүлжээний TFTP серверийг файлын замтай цуг тохируулахдаа:
isp(config)#tftp-server 202.72.241.3 cisco/config/pix/backup

Сул байгаа болон ашиглагдаж байгаа санах ойн хэмжээ, мөн нийт санах ойн хэмжээг харахдаа:
isp#show memory командыг бичнэ.

Төв процессорийн ачааллыг харахдаа:
isp#show cpu usage командыг бичнэ.

Cisco PIX Галтханын хувилбар, төхөөрөмжийн менежерийн хувилбар, төхөөрөмж асаад хэр хугацаа өнгөрч байгаа, BIOS, Flash, RAM, CPU, интерфэйсүүдийн MAC хаяг, ажиллагааны идэхижүүлэлтийн түлхүүр, сериалын дугаар зэрэг мэдээллүүдийг харахдаа.
isp#show version командыг бичнэ.

Сүлжээний интерфэйсүүдийн бүх IP хаягийг харахдаа:
isp#show ip address командыг бичнэ.

Интерфэйсүүдийн логик нэрийг харахдаа:
isp#show nameif командыг бичнэ.

Интерфэйсүүдийн төлөв, хурд, хаяг, мөргөлдөөн үүссэн эсэх, пакетийн алдаа гэх мэт чухал мэдээллүүдийг харахдаа:
isp#show interface командыг бичнэ. гэх мэт..