Life is wonderful ...

Chrome - Speed

2010-05-07T02:54:00.000-07:00

Nokia's mobile phone of the future (2)

2010-05-06T04:10:00.000-07:00

Microsoft Sustainability : Productivity, future vision

2010-05-06T03:45:00.000-07:00

How Large is the Universe?

2010-05-06T03:34:00.000-07:00

Хувьсал дэлхийн улсуудад нэг иймэрхүү..

2010-04-30T03:03:00.000-07:00

Korea broadband plan by 2012

2010-04-27T20:08:00.000-07:00

2012 оны сүүл гэхэд БНСУ-ын интернэтийн broadband холболтыг 1Gbps хүргэхээр Korea Communications Commission байгууллагаас төлөвлөж байгаа юм байна. Төр болон хувийн хэвшил хамтран 24,6 биллион долларын хөрөнгө оруулалт хийж, 120,000 ажлын байр шинээр бий болгоно гэнэ. http://bit.ly/18clEu

Бүртгэл, мэдээллийн нэгдсэн тогтоолцоог бий болгох үндэсний хөтөлбөрийн шторк

2010-04-27T03:55:00.000-07:00

Монгол Улсын Ерөнхий сайдын 5 төгөлдөршлийн нэг "Бүртгэл, мэдээллийн нэгдсэн тогтоолцоог бий болгох" үндэсний хөтөлбөрийн шторкууд

Charlie bit my finger - again!

2010-04-27T01:46:00.000-07:00

Олон улсын дата төвийн стандартын тухай

2010-04-26T00:32:00.000-07:00

Дэд бүтэц, сүлжээний дизайн топологиос нь хамааруулан дата төвүүдийг дөрвөн tier-т хуваадаг. “Uptime Institute”-ээс уг ангилалын системийг гаргасан бөгөөд улмаар үйлдвэрийн стандартад хүрч дата төвийн харилцаа холбооны дэд бүтцийн “TIA-942 дата төвийн стандарт”-д орсон байна.

Tier 1

Ганц IT-ийн тоног төхөөрөмжтэй. (нөөцгүй сервер, цахилгаан болон хөргөлтийн тоног төхөөрөмжүүд болон кабелийн uplink холболт)

· Үндсэн барилгын дэд бүтэц 99,671%-ийн баталгааны боломжтой байх

Техникийн улмаас ажиллагаагүй зогссох хугацаа нь жилд 28,8 цаг.

Tier 2

· Tier1-ийн шаардлагыг бүрэн хангасан байна.

· Барилгын дэд бүтцийн нөөц цахилгаан тэжээл болон хөргөлтийн тоног төхөөрөмжийн иж бүрдлүүдтэй байх. (Хөргөлт, дулаан тусгаарлах, UPS болон генераторын нөөц модультай байх)

· Дэд бүтцийн нөөц иж бүрдлүүд нь 99,741%-ийн баталгааны боломжтой байх.

Техникийн улмаас ажиллагаагүй зогссох хугацаа нь жилд 22,0 цаг.

Tier 3

· Tier1 болон Tier2-ийн шаардлагыг бүрэн хангасан байх.

· Нөөц цахилгаан тэжээлийн тоног төхөөрөмжүүдтэй байх.

· Нөөц кабелийн uplink холболттой байх.

· Бүх IT-ийн тоног төхөөрөмжүүд нь давхар цахилгаан тэжээлд холбогдсон байх.

· Барилгын тохиргоо хийх боломжтой дэд бүтэцийн хэсгүүд нэгэн зэрэг 99,982%-ийн баталгааны боломжтой байх.

· Техникийн улмаас ажиллагаагүй зогссох хугацаа нь жилд 1,6 цаг.

Tier 4

· Tier1, Tier2 болон Tier3-ийн шаардлагыг бүрэн хангасан байх.

· Бүх хөргөлтийн тоног төхөөрөмжүүд: хөргөгч, халаалт, агааржуулалт, air conditioning систем нь тусдаа бие даасан давхар цахилгаан тэжээлийн холболттой байна.

· Дэд бүтцийн топологид цахилгаан тэжээл, хадгалалт, түгээлтийн бүх тоног төхөөрөмжүүд алдаа гаргаж эвдэрдэггүй, бүгд IT-аар удирдагдаж бүрэн хяналтанд байх,

· 99,995%-ийн баталгааны боломжтой байх

Техникийн улмаас ажиллагаагүй зогссох хугацаа нь жилд 0,4 цаг.

Референс:

http://en.wikipedia.org/wiki/Data_center

http://www.cyberciti.biz/faq/data-center-standard-overview/

http://www.webopedia.com/TERM/D/data_center_tiers.html

http://www.adc.com/us/en/Library/Literature/102264AE.pdf

http://professionalservices.uptimeinstitute.com/UIPS_PDF/TierStandard.pdf

Sherlock Holmes Movie

2010-04-24T00:02:00.000-07:00

Arthur Conan Doyle-ийн зохиолоос сэдэвлэн бүтээсэн Sherlock holmes киног амралтын өдрөөрөө үзэж сонирхлоо. Тун дажгүй санагдлаа.

Internet censorship /Интернэт цензур/

2010-04-05T05:13:00.001-07:00

Интернэт цензур нь интернэтэд байгаа мэдээлэлд хандах эвсэл нийтлэхийг хянах юмуу хориглоход өргөн хэрэглэгддэг юм. Хууль, эрх зүйн орчин нь офлайн цензурт ч мөн хамааралтай юм.

Техникийн цензурт өргөн хэрэглэгддэг зарим аргуудаас дурьдвал:

· IP блоклох: Тухайн IP хаягт хандалтыг хаах. Нэг вэб сервер олон вэб хуудас байршиж дундаа нэг IP хаяг хэрэглэдэг тохиолдолд бүх вэб хуудасруу хандах хандалтыг хязгаарлана. Энэ нь IP хаягт суурилсан HTTP, FTP болон POP протоколуудад нөлөөлдөг. IPхаягаар хандалтыг хаах үед өөр прокси серверээр дамжин уг хаагдсан хагт хандаж хуурах боломж бас байдаг. Google гэх мэт зарим томоохон вэб хуудасууд нь олон IP хаягыг нөөцөлсөн байдаг бөгөөд энэ IP хаягаар хандалтыг төөрөлдүүлэх нь бий.

· DNS филтер: Домайн хаягын хөрвүүлэлт хийхгүй байх юмуу буруу IP хаягыг нь буцаана. Домайн нэрийнх нь IP хаягуудруу хандалтыг нь давхар хаагаагүй тохиолдолд IP хаягыг нь шууд вэб харуулагч хэрэгсэл дээр бичиж хандах боломжтой байдаг.

· URL филтер: URL хаягын тэмдэгтийн мөр дотор блоклох үгээр шалгалт хийж хандалтыг хаана. Энэ нь зөвхөн HTTP протоколд хамааралтай. VPN эсвэл TLS/SSL гэх мэт шифэрлэгдсэн протоколууд хэрэглэх үед филтер ажиллах боложгүй болгох юм.

· Пакет филтер: TCP пакетаар хандалтыг хязгаарлахаар тохируулсан түлхүүр үг тааралдах тохиолдолд дамжуулалтыг хийхгүй зогсооно. Энэ нь TCP-д суурилсан HTTP, FTP болонPOP зэрэг бүх протоколууд багтана. VPN эсвэл TLS/SSL гэх мэт шифрлэгдсэн протоколууд хэрэглэх үед филтер ажиллах боложгүй болгох юм.

Монгол улс одоогийн байдлаар интернэтийн No censorship буюу ямарч цензургүй улсын тоонд орж байна. (Reference http://en.wikipedia.org/wiki/Internet_censorship)

Вэбийн хөгжил, цаашдын чиг хандлага Web 0.1, 0.2 , 0.3

2010-04-01T21:21:00.001-07:00

Web 1.0

Энэ нь ихэвчлэн вэбийг зөвхөн унших зорилгоор хэрэглэгдэг байсан үед хамааралтай. 1996 оны байдлаар 45 сая глобал хэрэглэгчид байсан. Вэб хуудсын хөтлөлт, агуулгыг оруулах, зар сурталчилгаа тавих зэрэг эзэмшил нь компаниудад ихэвчлэн төвлөрч байв. Энгийн статик HTML болон портал сайтууд хамрагдаж байв. Нэвтэрхий толь зөвхөн онлайн Британика байв. Хайлтын системд Netscape зонхилж байсан.

Web 2.0

"Web 2.0" ойлголтыг 1999 онд Darcy DiNucci гэдэг хүн бодож олсон бөгөөд улмаар 2003 сүүл хүртэл нэвтрэх нөхцөл бүрдэж байгаад 2004 оноос хүчтэй эхэлсэн бөгөөд зөвхөн унших төдийгүй бас бичиж нийтлэх, үзэл болдлоо илэрхийлэх, солилцох бололцоог цахим орчинд хялбархан бүрдүүлэх боломжтой болгосон. 2006 оны байдлаар 1 тэрбумаас давсан глобал хэрэглэгчидтэй болсон. Community-д төвлөрсөн бөгөөд блог бичих, дуу, видео, зураг, presentation г.м төрөл бүрийн агуулгаа хуваалцах/sharing content/, Нэвтэрхий толийг дэлхий өнцөг булан бүрт суугаа хэнч агуулгыг оруулах боломжтой Википедиа гарч ирсэн. ХМL, RSS өргөн хэрэглэгдэх болов. Вэб апликешнүүд хурдацтай хөгжиж эхлэсэн. Хайлтын системд Google зонхилж эхлэв. Клик хийлт бүр өртөгтэй болсон/Google adsense/.

Web 3.0

Web 3.0-ийг бодож олоод удаагүй байгаа бөгөөд Amit Agarwal гэдэг хүн semantic вэб болон personalization гэж тодорхойлсон. Semantic web гэдэг нь хүнээс илүүтэйгээр систем унших болон ангилах боломжтой хэлрүү вэб хуудсыг өөрчилдөг байх юм. Энэ нь хайлтын системийг илүү ухаалаг болгох юм. RDF, GRDLL, W3C зэрэг системүүд хөгжиж байна. Personalization гэдэг нь хүний хэрэглээнд зориулан вэбд суурилан үгийг хам сэдэвтэй нь боловсруулав ойлголт юм. Netvibes систем хөгжиж байна. Түүнчлэн Аrtificial intelligence /хиймэл оюуны/ ойлголт орж байгаа бөгөөд Мөн Мobility хамаарч байгаа бөгөөд гар утаснаас хаанаас ч, хэзээ ч, бүх зүйлд хандах дээрх бүх системүүдээр хандах боломжтой болох юм.

Web 3.0-ийн ухаалаг хайлтын front line-д Google, Twine, Swicki, Powerset орж байна.

Зөөврийн хувийн вэб-д суурилсан хэрэглээтэй болох юм байна. Агуулга хувийн вэб-үүдэд төвлөрнө. Блог нь lifestream-рүү шилжинэ. Динамик агуулгуудыг солилцоно. Технологийн хувьд semantic вэб байна.

Референс:

http://www.slideshare.net/mstrickland/the-evolution-of-web-30

http://farm2.static.flickr.com/1243/1194939773_3195886a6a.jpg

http://en.wikipedia.org/wiki/Web_2.0

2010-03-17T20:31:00.001-07:00

“Robocup Mongolia 2010” роботын тэмцээн

2010-03-03T23:25:00.000-08:00

Техник, электроник сонирхогч сурагч, оюутан залуус хэнч боловч оролцож болох роботын тэмцээнийг Монголд анх удаа зохион байгуулах гэж байгаа юм байна.

Дэлгэрэнгүйг http://www.robocup.mn/-аас.

Яваандаа ийм болж хөгжөөсөй гэж бодож байна.

Монгол Улсын мэдээлэл, харилцаа холбооны үндсэн сүлжээ сэдэвт танилцуулга уулзалт

2010-02-28T18:40:00.000-08:00

"Монгол Улсын мэдээлэл, харилцаа холбооны үндсэн сүлжээ, Бүртгэл мэдээллийн нэгдсэн тогтолцооны цаашдын хандлага" сэдэвт танилцуулга, уулзалтыг 2010 оны 2 дугаар сарын 26-нд Чингис зочид буудалд МШХХТГ-аас зохион явуулав. Төрийн байгууллагуудын нийт 120 орчим мэдээллийн технологийн удирдах ажилтан, мэргэжилтнүүд оролцлоо. Тавигдсан илтгэлүүдийг хавсаргав.

1 мэдээлэл, холбооны сүлжээ ххк

View more presentations from tn192.

2 үндэсний дата төв утүг

View more presentations from tn192.

3 мобиком ххк

View more presentations from tn192.

4 төрийн холбооны газар

View more presentations from tn192.

5 жэмнэт ххк

View more presentations from tn192.

6 бүртгэл мэдээллийн нэгдсэн тогтолцоо

View more presentations from tn192.

7 төрийн мэдээлэл солилцооны харилцан холболтын дэд бүтэц

View more presentations from tn192.

8 цахим засаглал

View more presentations from tn192.

Дэлгэрэнгүйг: http://www.ictpa.gov.mn/index.php?option=com_content&view=article&id=77:2010-03-01-02-25-42&catid=35:2010-01-07-06-24-42&Itemid=67

Google android-ийн талаар

2010-01-12T18:56:00.001-08:00

Уншигч та бүхэнд Андройд болон түүнийг хөгжүүлэгч нарын тухай товчхон мэдээлэл өгөхийг зорилоо.

Андройд гэж юу вэ?

Андройд нь Линукс дээр суурилсан хөдөлгөөнт холбооны үйлдлийн систем юм. Энэ нь анх Андройд Инк фирмээс үүсэлтэй бөгөөд Google худалдан авсан. Одоо Open Handset Alliance-д хамаарагддаг.

Андройд нь хөгжүүлэгч нарт Google-ийн Java library-г ашиглан Java хэл дээр код бичих боломжийг олгосон.

Андройдын түүхийн талаар товч дэлгэрүүлье.

2005 оны 7-р сард Google нь Америкийн Калифорниа мужийн Пало Алто-д суурилсан эхлэлийн чанартай үйл ажиллагаагаа явуулж байсан Андройд Инк компаний үйл ажиллагааг илүү сэргээж, эрчимжүүлсэн.

Тухайн үедээ Андройд Инк нь хөдөлгөөнт утсанд зориулсан програм хангамж зохиодог байсан боловч олонд танигдаагүй байсан бөгөөд энэ үед нь Google энэ зах зээл рүү орохоор төлөвлөж, орсон байна.

Google нь Линукс дээр суурилсан уян хатан, цаашид өөрчлөлт хийж хөгжүүлэх боломжтой хөдөлгөөнт холбооны төхөөрөмжийн платформийг хөгжүүлэхээр Рубинээр ахлуулсан /Андройдын үүсгэн байгуулагчдын нэг тухайн үедээ Google-д шилжин орсон/ багийг томилон ажиллуулжээ. Ийнхүү Google нь 2006 оны 12 дугаар сард гар утасны зах зээл рүү түрэн орсон байна.

1.1 Open Handset Alliance /OHA/

Open Handset Alliance нь бизнесийн салбарын Google, HTC, Motorola, Qualcomm, Samsung, LG, T-Mobile, Nvidia зэрэг 50 гаруй фирмийг багтаасан хөдөлгөөнт холбооны төхөөрөмжүүдийн нээлттэй стандартуудыг хөгжүүлэх зорилготой 2007 оны 11 дүгээр сарын 5-нд байгуулагдсан.

OHA нь Линукст суурилсан хөдөлгөөнт холбооны төхөөрөмжийн платформ болох анхны бүтээлээ гаргаж нийтэд зарласан.

2008 оны 12 дугаар сарын 9-нд Андройдын төсөлд 14 байгууллага гишүүнээр нэгдсэн. Үүнд: ARM Holding PLC, Atheros Communication, Asustek Computer Inc, Garmin Ltd, Softbank, Sony Ericsson, Toshiba Corp, Vodafone Group

1.2 Лиценз

2008 оны 10 дугаар сарын 21-нээс эхлэн Андройд нь нээлттэй чөлөөт эхийг хөгжүүлэх боломжтой болсон. Google нь Apache license-тэй суурь кодыг эхлүүлэв.

1.3 Андройдын сайжирсан хувилбарууд

Андройд нь анхны эхийг гаргаснаасаа хойш хэд хэдэн сайжруулсан хувилбаруудыг гаргасан. Энэхүү сайжруулсан хувилбарууд нь үйлдлийн системийн алдаануудыг /bug/ засч, шинэ боломжуудыг нэмсэн.

Cupcake

2009 оны 4 дүгээр сарын 30-нд Андройд нь Cupcake 1.5 албан ёсны хубилбараа гаргасан. Энэхүү хувилбар нь дараахь давуу талуудтай:

- Видео бичлэг хийх болон харах боломжтой

- Утаснаасаа шууд YouTube-д видеогоо хуулах боломжтой. Мөн Picasa-д зургаа хуулах боломжтой.

- A2DP Bluetooth-г дэмжинэ.

- Тодорхой хэмжээний зайд Bluetooth-ээр автоматаар холбогдох боломжтой.

- Дэлгэц хоорондын анимаци

- Вэб хуудсууд хооронд copy болон paste хийх боломжтой

Donut

Donut SDK 1.6 хувилбар нь 2009 оны 9 дүгээр сарын 15-нд хэрэглээнд гарсан бөгөөд дараахь давуу талуудтай.

- Андройдын зах зээлийг өргөтгөсөн

- Камер, камкордер, галлирей интерфэйс зэргийг нэгтгэсэн.

- Галлерей нь хэрэглэгч өөрөө фотогоо сонгох болон устгах боломжоор хангагдсан.

- Дуу танигч хайлтын системтэй

- Bookmark хайлтын системтэй

- CDMA/EVDO, VPN, текстээс авиа болгох процесс зэргийг дэмжигч технологитой.

- Мөн хайлтын хурд сайжирсан.

Eclair

2009 оны 10 дугаар сарын 26-нд Eclair SDK 2.0 хувилбар гарсан бөгөөд дараахь өөрчлөлтүүд хийгдсэн.

- Техник хангамжийн хурд сайжирсан

- Дэлгэцийн хэмжээ болон нягтшил сайжирсан

- Хэрэглэгчийн интерфэйс сайжирсан

- Хэрэглэгчийн шинэ браузертай болсон бөгөөд HTML5-ыг дэмждэг болсон

- Шинэ контакт жагсаалтуудтай болсон

- Хар цагааны харьцаа сайжирсан

- Google Maps сайжирсан

- Microsoft exchange-ийг дэмжих болсон

- Дижитал zoom-тэй болсон

- Виртуаль keyboard

- Bluetooth 2.1-тэй болсон

Андройдын одоогийн үзүүлэлтүүд:

- VGA, OpenGL ES 1.0-д тулгуурласан 2D болон 3D график library-тай

- Өгөгдөл хадгалах SQLite програм хангамжтай

- GSM/EDGE, CDMA, EV-DO, UMTS, Bluetooth, Wi-Fi технологиудыг дэмжинэ, холбогдоно.

- SMS болон MMS мессеж бичих боломжтой.

- Вэб браузертай

- Java дээр бичсэн кодыг ажиллуулах боломжтой.

- Дараахь аудио, видео медиа форматуудыг дэмжинэ. /H.263, H.264 (in 3GP or MP4 container), MPEG-4 SP, AMR, AMR-WB (in 3GP container), AAC, HE-AAC (in MP4 or 3GP container), MP3, MIDI, OGG Vorbis, WAV, JPEG, PNG, GIF, BMP /

- Хуруу мэдрэгч, камер, GPS-ийн төхөөрөмж, магнетометр зэрэг нэмэлт төхөөрөмжүүд холбох боломжтой

- 2009 оны 2 дугаар сараас Америкт Андройдын зах зээл илүү өргөжиж байгаа бөгөөд компьютер ашиглахгүйгээр хэрэгцээгээ хангах утсан дээр суурилсан хэрэглээний программуудыг ихээр татаж авах болсон байна. 2009 оны 12 дугаар сар гэхэд 20 000 гаруй Андройд хэрэглээний программуудыг татаж авчээ.

Техник хангамжийн хөгжүүлэлт

Андройд үйлдлийн системтэй анхны утас 2008 оны 10 дугаар сарын 22-нд нийтэд гарсан бөгөөд HTC Dream нэртэй байв.

2009 оны төгсгөл гэхэд Google-ийн Андройдийн загвар бүхий 18 утас хэрэглэгчдийн гар дээр очжээ.

Програм хангамж хөгжүүлэлт /SDK/

Анхны програм Snake game байлаа. Харин одоо Google нь Андройдерийн зах зээлд дараахь хэрэглээний программуудыг санал болгоод байна. Үүнд:

- Google Voice

- Спорт сонирхогчдод зориулсан Scoreboard

- Од харах SkyMap

- Санхүүгийн үйлчилгээнд зориулсан Finance програм

- Газрын зураг засах үйлчилгээнд зориулсан Maps editor програм

- Андройд календарь

- Мөн Google Maps болон Gmail-ийг нэгтгэсэн юм.

Андройд хөгжүүлэгч нарт

Андройдын хөгжүүлэгч нарт зориулж Google-ээс Андройдийн шинэ хэрэглээний програм зохиох уралдаан зарладаг бөгөөд энэхүү уралдааны шагналын фонд нь 10000 америк доллар байв. Андройд хөгжүүлэгч нарын 1-р шатны уралдаан нь 2008 оны 1-р сарын 2-ноос 4 дүгээр сарын 14-нийг хүртэл зарлагдсан бөгөөд 50 шилдэг оролцогчийг 2008 оны 5 дугаар сарын 12-нд нийтэд зарлаж, шилдэг оролцогч бүрт 25000 америк долларын шагналыг цаашид Андройдыг хөгжүүлэх үйлсэд нь зориулж шагнажээ.

Харин Андройдыг хөгжүүлэх 2-р шатны уралдаан 2009 оны 5 дугаар сарын 27-нд зарлагдаж 2009 оны 11 дүгээр сарын 5 гэхэд 200 топ бүтээлийг зарласан бөгөөд 11 дүгээр сарын 25-нд шилдгийн шилдэг бүтээлийг шалгаруулав.

Андройдийн зах зээл

2008 оны 10 дугаар сарын 22-нд Андройд утас анх зах зээлд гарснаас хойш 2009 оны эхний хагасын байдлаар зах зээлд дээр гарсан ухаалаг-утасны 2,8%-ийг Андройд утас эзэлж байсан бөгөөд 3-р хагас гэхэд зах зээл дээр эзэлж байгаа хувь нь 3,5%-иар нэмэгдсэн байна.

Gartner Inc-ийн таамаглаж байгаагаар 2012 он гэхэд Андройд нь 2 дохь нэрд гарсан ухаалаг-утасны платформ болох юм байна. Blackberry 2-оос 5 дугаар байранд, iPhone 3 дугаар байранд, Microsoft Windows Mobile 4-рт орох магадлалтай гэжээ.

Харин Тайваний Ухаалаг зах зээл- Консалтинг Институтын үзэж байгаагаар 2013 он гэхэд 31.8 сая Андройд утас, 126 сая Андройд зөөврийн бүтээгдэхүүнүүд зарагдах юм байна.

Одоо та бүхний анхаарлыг Монголд Андройдыг хэрхэн хөгжүүлж байгаа талаар анхаарлаа хандуулахыг хүсье.

Мэдээлэл, Шуудан, Харилцаа холбооны технологийн салбарын 88 жилийн ойг угтан "Хөдөлгөөнт холбоонд суурилсан онлайн контентын хөгжүүлэлт" сэдэвт уралдааныг оюутан, залуучууд болон програм хөгжүүлэгчдийн дунд 2009 оны 6-р сарын 8-ны өдрөөс 7-р сарын 20-ний өдрийг хүртэл 1 сарын хугацаатай зарласан бөгөөд уралдаанд нийт 8 багийн 13 бүтээл ирүүлсэн юм.

Уралдаанд ирүүлсэн бүтээлүүдийг танилцуулъя:

№	Багийн нэр	Багийн гишүүд	application-ны нэр	Platform
1.	Togtokhbayar&Ulsbold	Тогтохбаяр, Улсболд	Blog reader	iPhone OS
2.	Mobicom	Г.Батбэх, Т.Батбилэг	Aялалын хөтөч	android OS
3.	Mobicom	Г.Батбэх, Т.Батбилэг	Алтан тарвага	android OS
4.	Mobicom	Г.Батбэх, Т.Батбилэг	Шатар	android OS
5.	MTC	Б.Доржнамжирмаа, Б.Батхүү	Geo SMS	android OS
6.	Болор	С.Батжаргал, С.Бадрал	Болор толь	iPhone OS
7.	Болор	С.Батжаргал, С.Бадрал	Болор толь	android OS
8.	Лаборатори	Б.Батжаргал, А.Тулга	MonScript	android OS
9.	Online Content	Ш.Жавхлан, Ч.Долгион	Contact Book	android OS
10.	Тататунга	Г.Дагвадорж, Б.Оюунжаргал	UB List	android OS
11.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Мумми	android OS
12.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Зураг эвлүүлэгч	iPhone OS
13.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Шагай хаях	android OS

Дараах үзүүлэлтээр дээрх багуудын бүтээлд хяналт-шинжилгээ хийж, үнэлгээ өгсөн.

№	Үзүүлэлт	Дүгнэх аргачлал
1.	Програмын бичиг баримт	0-20
2.	Монгол орны онцлогийг харуулсан буюу монгол брэндийн бүтээгдэхүүн байх	0-10
3.	Програмын шинэлэг санаа , шийдэл	0-20
4.	Програмын ажиллагаа	0-35
5.	Програмын хэрэглэгчийг татах чадвар	0-15
	Нийт	100

Шүүгчдийн бүрэлдэхүүн:

Ажлын хэсгийн ахлагч

А.Эрдэнэбаатар ШУТИС, КТМС-ийн тэргүүлэх профессор

Нарийн бичгийн дарга

Б.Тамир МШХХТГ-ын Бодлого төлөвлөлтийн хэлтсийн мэргэжилтэн

Гишүүд:

Б.Ууганбаяр "Интерактив" ХХК-ийн ерөнхий захирал

Б.Алтангэрэл "Монгол контент" ХХК-ийн ерөнхий захирал

Г.Муратбек МТҮП-ын Инкубаторын албаны ажилтан

Уралдаанд орсон бүтээлүүдийг жагсаая:

Ямар бүтээл уралдаанд түрүүлсэн бэ?

"Хөдөлгөөнт холбоонд суурилсан онлайн контентийн хөгжүүлэхт" сэдэвт уралдаанд Лаборатори багийн "MonScript" нэртэй Монгол бичгээр SMS явуулдаг бүтээл түрүүлсэн бөгөөд тэд энэхүү бүтээлээ Google Android утсанд зориулан хийсэн юм. Энэ уралдаанд түрүүлсэн багийг МТҮП-аас Google Android утсаар шагнасан юм.

Мөн энэхүү уралдаанаас хойш Мэдээллийн технологий үндэсний парк Android Market дээр гар утасны програм байрлуулан амжилттай ажиллаж байна. Энэ ажлын хүрээнд технологийн судлаач Б.Батчулуун Android Application–д суурилан PoliceLight, LeafCompass програмуудыг бүтээж хөгжүүлэлтийг хийж байна.

PoliceLight програмын танилцуулга

Энэхүү програм нь цагдаагийн дуут дохио болон гэрэлтүүлгийг ахуйн нөхцөлд тоглоом зугаа маягаар хэрэглэхэд тохиромжтой ба тус програмыг татаж авсан хэрэглэгчдийн сэтгэл ханамж маш өндөр байна.

Програм нь Java хэл дээр бичигдсэн бөгөөд гэрэлтүүлэг, дуут дохионы олон сонголттой мөн нэмэлт боломжуудтай.

Тухайн програмыг 2009 оны 11 сарын 12-нд Android Market дээр үнэгүй байрлуулсан ба 2010 оны 01 сарын 06 өдрийн байдлаар 151011 удаа татагдсан байна.

LeafCompass програмын танилцуулга

Энэхүү програм нь ертөнцийн зүг чиг заагч програм ба зүг чигийг англи монголоор хэлдэг.

Зураглалын хувьд хэрэглэгчийн сонирхол татах үүднээс усан дээр навч байрлуулж, дээр нь зүү тавьсан ба энэ нь амьдралаас сэдэвлэсэн учраас сонирхол татахуйц болж чадсан.

Програм Java хэл дээр бичигдсэн ба байгалийн дуу чимээ сонсогдох бөгөөд сонирхолтой болгох үүднээс шавьж, амьтад нисэж байгаагаар бүтээсэн. Програмын дууг хаах, нээх болон нэмэлт сонголтуудтай.

Тухайн програмыг 2009 оны 11 сарын 12-нд Android Market дээр үнэгүй байрлуулсан ба 2009 оны 11 сарын 14 өрийн байдлаар 639 удаа татагдсан байна.

Андройд хөгжүүлэхийг сонирхогч нарт бяцхан зөвлөмж

Андройд дээр програм бичихийн тулд:

1. Жава хэл тодорхой хэмжээгээр мэддэг байх хэрэгтэй.

2. SDK-г нь суулгах хэрэгтэй. Эмулятор буюу дуурайгч нь их сайн ажилладаг (дуурайдаг).

3. Интернеттэй байх. Google-с гаргасан андройдын API баримтууд нь одоохондоо тааруухан учраас интернетээс ихэнх зүйлийг олж мэдэх болно.

Google-ийн нээлттэй эхийн Android үйлдийн системийн давуу талууд

1. Android үйлдлийн систем нь илүү нээлттэй эх кодтой.

2.Android үйлдлийн систем нь on-line программуудтай илүү нэгтгэгдсэн.

3.Android үйлдлийн систем нь илүү хурдан.

4.Android үйлдлийн систем ба G1 гар утас нь илүү найдвартай техник хангамжтай.

5.Android үйлдлийн систем нь flash-тай

6.Android үйлдлийн систем нь дурын гар утасны операторуудад нээлттэй.

7.Android үйлдлийн систем нь илүү олон файлын форматыг дэмждэг.

8.Android үйлдлийн системийг хакердах шаардлагагүй.

9.Android үйлдлийн систем нь бодит товчлууртай.

10.Android үйлдлийн системд шинээр ашиглах программ хангамжуудад ямар нэгэн хязгаар гэж үгүй.

11.Android үйлдлийн системтэй гар утаснууд нь хямд, үнэтэй гэх мэт олон хувилбартай

SDK-г Eclipse-тэй холбох

SDK – нь Software Development Kit гэсэн үгийн товчлол юм. SDK нь хэрэглэгчийн програмын дизайн болон кодыг тестчилэх, хөгжүүлэх бүх хэрэгслийг өөртөө багтаасан байдаг. SDK -г Eclipse дээр нэмэлтээр суулгах тухай танилцуулж байна. SDK -г нэмэхдээ Eclipse-3.4.2 хувилбар дээр авч үзлээ. Та Eclipse-3.4.2 хувилбарыг www.eclipse.org гэсэн сайтаас өөрийн үйлдлийн системдээ тохируулан татаж аваарай. Жишээ болгон Windows XP үйлдлийн системд тохируулан Eclipse-3.4.2 хувилбарыг сонгож авч SDK -1.5 –ийг нэмэлтээр суулгасан. SDK -1.5 нэмэхийн өмнө та AVD (Android Virtual Device)-ийг үүсгэх хэрэгтэй. Энэ нь emulator буюу дуурайгчийн системийн дүр тохиргоонд хэрэглэгдэнэ. Үүсгэхдээ командын мөрнөөс үүсгэнэ. Startе->run->cmd->SDK-ийн tools-ийн замыг зааж өгнө. D:\android-sdk-windows-1.5-r2\tools командыг биелүүлнэ. Дараах зургийн дагуу гүйцэтгээрэй.

Зураг дээрх шиг үр дүн гарсан бол SDK-г нэмж өгнө. Нэмэхийн тулд програмаа ажиллуулаад дараах зааврын дагуу ажиллаарай.

1. Help->Software updates

2. Available software ->Add Site-ийг сонгоно.

3 Developers Tools -> Android DDMS болон Android Development

4. Install гэсэн товчыг даран Install-аа эхлүүлнэ.

5. Install хийгдсэний дараа Eclipse програмаа restart хийнэ.

Eclipse-ийг эхлүүлсэний дараа

1. Windows->Preference -> Android цонхыг сонгоно.

2. SDK Location дээр SDK-ийн байрлалыг зааж өгнө.

Android Project үүсгэх

1. File->New->Project харилцах цонхноос Android-ийг сонгож Android Project-ийг сонгоно.

2. Application болон Project-д нэг өгнө. Packageг нэрлэхдээ хооронд нь цэгээр тусгаарласан хоёр үгээр нэрлэнэ. Жнь com example Ингээд Finish

3. Package Explorer-ийг нээж java классыг нээнэ. Энд та өөрийн Java кодоо бичнэ

4. Android Project-ийг ажиллуулахдаа Project баруун click хийж Run->Run As

SDK нь хэд хэдэн хувилбартай бөгөөд та эдгээр хувилбаруудыг ашиглан өөрийн Java хөгжүүлэлтийн орчинд нэмж суулгагасанаар android апликэшнийг хөгжүүлэх боломжтой.

Дэмжих үйлдлийн системүүд

Windows xp(32 bit), Windows vista(32,64 bit)

Mac OSX 10.4.8 -аас хойшхи хувилбар

Дэмжих хөжгүүлэлтийн орчин

Eclipse IDE

Eclipse 3.4 ба 3.3 хувилбарууд

JDK 5 , эсвэл JDK 6

Android SDK хувилбарууд

Android API-ийн хувилбарууд нь системийн хувилбарын тухай мэдээлэлийн агуулсан тоон хувьсагчаар илэрхийлэгдэнэ. Энэ тоон мэдээллийг API түвшин гэж нэрлэнэ.

Android SDK1.1

Энэ хувилбар 2009 оны 2 сараас эхлээд хөгжүүлэгдэж байна. API түвшин нь Сэрүүлэг бүхий цаг, тооны машин, интернэт браузер, камер, хөгжүүлэгчийн хэрэгслүүдь харилцааны хэрэгсэль e-mail газрын зураг

мессэж, хөгжим, зураг, тохиргоо зэрэг үндсэн функүүдийг агуулсан байдаг.

Android SDK 1.5

2009 оны 5 сараас эхлэн хөгжүүлэгдэж байна. API-ийн түвшин нь агуулагдаж буй апликэшнүүд нь өмнөх хувилбартай адил боловч дараах онцлогууд нэмэгдсэн

Дэлгэцэн дээр ашиглах боломжтой хялбар гар.

Хэвтээ болон босоо чиглэлд зөв байрлалтай ажиллана.

Хэрэглэгчийн 3 дахь үеийн гар суулгах боломжийг дэмжинэ.

Өргөн хэрэглээний үгнүүд бүхий хэрэглэгчийн толь бичигтэй.

Үндсэн дэлгэц

Дэлгэцэн дээр аналог цаг, календар, хөгжим тоглуулагч, зургийн хэрэгсүүдийг оруулсан

Бусад хэрэгцээт фолдерүүд (мессэж, яриа гэх мэт)

Монголын залуучууд Андройдын зах зээл рүү хэрхэн түрэн орох вэ?

Дараахь сайтуудаас Андройдын гадаад зах зээлд хэрхэн орох болон зах зээлд оролцох эрхийг яаж авах талаар дэлгэрэнгүй мэдээллийг авна уу.

Хөгжүүлэгчид дээрх болон бусад холбогдох сайтуудтай сайн танилцаж, хэлэлцүүлэгт оролцон өөрийгөө хөгжүүлэх боломжтой бөгөөд JAVA програмчлалын хэлний суурьтай байхад л болно шүү ЗАЛУУЧУУД АА!

ТА БҮХЭНД АМЖИЛТ ХҮСЬЕ.

Packet Tracer

2009-12-29T19:16:00.000-08:00

Packet tracer нь Cisco systems-ийн бүтээгдэхүүн, сургалтанд зориулсан сүлжээний орчинд симуляци хийдэг хүчирхэг програм хангамжийн хэрэгсэл юм. Cisco CCNA-ийн хүрээнд сүлжээний үндсэн зарчимыг судлаж, туршиж байгаа хүмүүст ялангуяа их хэрэгтэй эд дээ. Бид нар гэрлүүгээ Cisco router ч юм уу, switch цүнхлээд явахгүй нь мэдээж, харин flash дээр уг програмыг аваад явж болно.

RIP, OSPF, EIGRP зэрэг динамик рутинг протоколуудыг турших боломжтой. Дутагдалтай тал нь мэдээж анхан шатныханд зориулагдсан болхоор enterprise түвшиний рутер, свич болон BGP, MPLS, VPLS зэрэг динамик протоколуудыг турших боломжгүй юм.

Танилцуулага:

Cisco Packet Tracer Overview 20 Jul09

View more presentations from tn192.

Онлайн демо:

http://www.packettracertrivia.com/PacketTracer/index.html

Пакет трейсэр тухай дэлгэрэнгүйг:

http://www.cisco.com/web/learning/netacad/course_catalog/PacketTracer.html

Validation

2009-12-23T02:09:00.001-08:00

Монгол улс Android технологийн дэлхийн зах зээлд

2009-12-10T20:12:00.000-08:00

Мэдээлэл, технологийн үндэсний паркийн Андройд програмчлал хариуцсан мэргэжилтэн Батчулууны хийсэн бүтээлүүд http://www.androlib.com/android.developer.mongolia-it-batchuluun-jzij.aspx тавигдаад байна. Ийнхүү Монгол улс Android технологийн дэлхийн зах зээлд өөрсдийн бүтээлээ нийлүүлж эхэллээ. Батчулуунд ажлын өндөр амжилт хүсье.

Батчулууны блог хаяг: http://developerandroid.blogspot.com/

ABU Robocon 2010 Egypt

2009-11-16T22:30:00.000-08:00

ABU Robocon 2010 тэмцээн Египет улсад болох юм байна. Дүрэм нь жил ирэх тусам хүндэрч байна шүү..

Үндэсний дата төвийн нээлтийн ёслол

2009-08-16T21:03:00.001-07:00

Товч Танилцуулга

Үндэсний Дата Төв нь Олон Улсын чанарын шаардлагад нийцсэн үйлчилгээг төрийн байгууллагуудад хүргэх бөгөөд төрийн дата санг зориулалтын техникийн орчинд хадгалах, боловсруулах, солилцох, дамжуулах нөхцлийг бүрдүүлсэн байна. Мэдээллийн технологийн удирдлага, техникийн өндөр ур чадвар бүхий ажилтнууд төвийн мэдээллийн аюулгүй байдал, шуурхай, хүртээмжтэй байдлыг хангаж, төрийн байгууллагуудыг мэргэжлийн арга зүйгээр хангах үндсэн үүрэг хүлээн ажиллана. Тус төвийг

түшиглэн төрийн бүртгэл, мэдээллийн нэгдмэл байдал, төрийн үйл ажиллагааны уялдаа холбоог сайжруулж төрийн цахим ой санамжийг төгөлдөржүүлэн цахим засаглалыг байгуулна.

Presentation networking general

2009-06-10T23:07:00.000-07:00

Удирдлагын академи дээр болсон ЗГ-ын хэрэгжүүлэгч агентлагын мэдээллийн технологи хариуцсан мэргэжилтэнгүүдэд зориулсан сургалт, семинарт тавьсан илтгэл

Seminar_presentation

View more OpenOffice presentations from tn192.

Барак Обамагийн Машин

2009-05-25T03:05:00.000-07:00

Нэгдсэн улсын ерөнхийлөгчийн машиныг бараг л танк гээд хэлчихэд болно. Cadillac-аас үйлдвэрлэсэн 2.6 тн жинтэй, 6.5 литр дизель хөдөлгүүр, 60mph (бараг л 100км/цаг) хурдтай, гэрэлгүй үед шөнийн камер, сумнаас хамгаалалтай шил, 8inch (20 см орчим) хуягласан зузаан хаалга, ган, титан, хөнгөн цагаан болон керамикийн хамгаалалтыг нь сайжруулсан их бие, машин дотороо хүчил төрөгч, галаас хамгаалах системтэйгээс гадна, ерөнхийлөгчид шархтсан үед сэлбэх цус хүртэл байдаг. Түүнчлэн Wi-Fi, хиймэл дагуулын тусгай холбоотой. Машины доод хэсэгт 5 inch зузаан ган хийж өгсөн нь замд тэсрэх бөмбөгөөс хамгаалжээ. Жолооч нь хүртэл CIA-ын тусгай нөхцөлд жолоодлогын сургалтанд хамрагдсан гэрчилгээтэй нөхөр байдаг байна.
Зурган дээр дараад томоор харах боломжтой.

Signs

2009-05-18T01:35:00.000-07:00

Benz g-class

2009-05-07T03:58:00.000-07:00

Дэлхий дээр хоёр төрлийн машин байдаг, Бенз ба бусад нь..

ABU Robocon 2009 Mongolia

2009-05-06T02:17:00.000-07:00

4 сарын 18-нд уламжлал ёсоороо бөхийн өргөөнд Робокон 2009 Монгол "Ялалтын бөмбөгрүү хамтдаа" тэмцээнийг хэсэг ангийн анд нартайгаа үзэж сонирхвоо. Энэ жилийн хувьд харьцангуй цөөн багууд оролцсон байлаа. Даалгаварын хувьд роботын шинэ үе эхлэж байна гэж хэлж болохуйц хүндэрсэн байв. Учир нь автомат болон гар удирдлагатай машинууд хоорондоо хамтран ажиллаж уулыг давж, модыг сүлжин очих газраа ирээд дамнуурга (каго) дээрх роботоо буулгаж гурван бөмбөрийг цохих даалгавартай байв. МУИС-ийн Unitel1,2 багын роботууд маш сайн ажиллаж байсан бөгөөд тэмцээн болгон дээр бараг цэвэр ялалт байгуулж байв. 8 сард Японд болох ази номхон далайн бүс орнуудын тэмцээнд нь амжилт хүсье.
Тэмцээний дүрэм болон тоглолтын бичлэгийг оруулав.

Ntop

2009-04-21T23:36:00.000-07:00

Сүлжээний орчинд урсаж буй трафикийн төрөл бүрийн статистик үзүүлэлтийг олон хэлбэрээр гаргадаг хэрэгсэл юм. Тухайлвал протоколууд, ямар домайнууд, аль улсын байрладаг вэб хуудсууд гэх мэт. Рутерийн netflow-той адилхан юм, тайланг вэбд суурилан гаргадгаараа онцлог юм. Дэлгэрэнгүйг: http://www.ntop.org/overview.html

What a wonderful world ...

2009-04-21T03:23:00.000-07:00

Joey Ramone дуулсан нь

Connie Talbot дуулсан нь

Valkyrie ажиллагаа

2009-03-16T03:36:00.000-07:00

WWII-ийн үед аймшигт дайны удирдагч Гитлерийн амь насанд халдах 15 удаагын оролдлого гарч байсан юм. Гитлерийг амь насаа алдсан үед онц байдал зарлах нөөц төлөвлөгөөг Германы армиас гаргасан байсныг Valkyrie Operation гэдэг байв. Германы армийн хурандаа Сlasu von Stauffenberg хэсэг генералуудын хамтаар хуувилдан Гитлерийг устган Valkyrie ажиллагааг эхлүүлэн, SS-ийг татан буулгах зорилготой байв. Stauffenberg нь Гитлерийг хөнөөхөөр тэсрэх бөмбөг тавиад, Valkyrie ажиллагааг эхлүүлэн онц байдал зарласан боловч Гитлер үхээгүй байж үйл ажиллагаа нь бүтэлгүйтдэг. Энэхүү бодит үйл явдлаас сэдэвлэн хийсэн Valkyrie киног саяхан үзээд дажгүй санагдлаа. Stauffenberg-т Tom Cruise чадварлаг тогложээ.

Бараг л анхны game...

2009-03-12T01:50:00.000-07:00

1990 oны эхээр анх тоглож байсан game байна. Contra гэж...
http://www.nintendo8.com/game/60/contra/

Үндэсний өгөгдөл мэдээллийн төв

2009-03-09T22:05:00.000-07:00

(Government Integrated Data Center)

Мэдээлэл, шуудан, харилцаа холбоо, технологийн газраас “Цахим Mонгол” хөтөлбөрийн хүрээнд санаачлагдсан Засгийн газрын мэдээллийн нэгдсэн төв байгуулах төслийг хоёр орны найрсаг хамтын ажиллагааны хүрээнд БНСУ-ын буцалтгүй тусламжаар хэрэгжүүлж байна.
Тус шинэ төв нь төрийн байгууллага байх бөгөөд Засгийн газрын яам, агентлагууд дээр салангид байгаа төрийн мэдээллийн сан, мэдээллийн нөөцүүдийг интеграцичлах замаар мэдээлэл боловсруулах, хадгалах, дамжуулах, харилцан уялдаа, аюулгүй байдлыг хангах, бүртгэл мэдээллийн нэгдсэн тогтолцоо, төрийн мэдээллийн нэгдсэн цахим ойг бий болгох, “Цахим монгол” хөтөлбөрийг хэрэгжүүлэх зэрэг чиглэлд өндөр хүчин чадал, их хэмжээний багтаамж бүхий төрийн мэдээллийн нэгдсэн сүлжээний зангилаа, цахим засгийн техник технологийн нэгдмэл дэд бүтцийг байгуулах зорилготой юм. 2009 оны 9 сард төвийн нээлтийг хийж байгууламж ашиглалтанд орох юм.

Тус төвд Manager, System & Network Administrator, Security Administrator, Infrastructure Engineer ажилд шалгаруулж авах бөгөөд дэлгэрэнгүйг http://www.ictpa.gov.mn/ авна уу.

Эцэг, хүү хамтдаа..

2009-02-28T20:00:00.000-08:00

Төрөлхийн өвчтэй хүүгийнхээ хүсэл мөрөөдлийг нь биелүүлэхээр аав нь хэрхэн хүүдээ өөрийгөө зориулж байгааг энэ бичлэгээс харж болно. Хүүдээ зориулсан эцгийн хайр гайхалтай. (дуутай нь үзээрэй..)

...ганцаараа бол чадахгүй хамтдаа учраас хүч чадалтайгаар энийг даван туулсын..., хүү нь зүрх сэтгэл, аав нь бие цогцос..., (бичлэгийн хэсгээс)

Хүүхдийн инээд (funny)

2009-02-28T18:56:00.000-08:00

Хүүхдүүд гэдэг гэгээхэн баяцхан өхөөрдөм амьтад байдаг билээ. Инээж байхдаа бүр .. :)

Бэлэг авах нь...

2009-02-18T02:46:00.001-08:00

Хүнээс бэлэг аваад баярладаггүй хүн гэж ер нь ховор байх. Жижигхэн байсан ч гэсэн чин сэтгэлээ зориулсан бэлэг гэдэг үнэхээр үнэ цэнэтэй юм. Түрүү 7 хоногт манай ажлын газраас байгууллага дотроо Монита зохион явуулваа тэгээд үл мэдэгдэх найзаасаа Ernest Hemingway-ийн Fiesta:The sun also rises гэдэг ном аваад баярласан. Бас хоёр найзаасаа валентин шоколад аваад. :). Шинэ жилээс хойш ер нь бэлэг, талархлын захиа, шоколад эд нар найзуудаас тасралтгүй ирээд нэлээн surprise, бас урам зориг, хайр авч байна гэж. Тэгээд өмнө нь гэнэтийн gift-ээр big surprise хийж байсан хүмүүсийг бүгдийг дурсаж бодлоо. Тэгтэл нэг юм сонин юм ажиглагдаж байнаа. О үсгээр эхэлсэн болон Оюун-тай хүмүүс нэлээн том surprise хийж байсым байна. 10 жилд байхдаа Оюун-****** гэдэг охиноос төрсөн өдрөөрөө гэнэтийн бэлэг, Tupac Оюунаагаас өөрийнхөө хамгийн хайртай зараа хүүхэлдэйгээ бэлэглэж байсан (нандигнаж байсан хүүхэлдэйгээ надад өгсөнд so happy байсан), Их сургуульд байхдаа Оюун****аас валентиар зүрхэн хэлбэртэй шоколад авч байсан (надад үнэхээр гоё байсан, гэхдээ даанч тэр үед надад үнэхээр таалагдсан гэдгээ түүнд илэрхийлж чадаагүй юм), мөн 4-р курст байхад шинэ жилээр нэг чимэглэсэн гоё хайрцгыг зөөгч ирээд энийг танд нэг эмэгтэй өгч байна гэв. Би тухай үедээ андуурсийн боловуу гэж бодоод асуутал танд өгсөн гэв. Онгойлгоод үзтэл жижиг одууд байв. Цуг сууж байсан нэг найз маань 247 ширхэг байгаа байхаа ширхэг болгоныг нь гараараа хийдэг гэдгийг нь сонсоод тэр үед big surprise болж байлаа. Тэрийг О*** (*о*о гэж дууддагын) өгснийг сүүлд нь мэдсэн. Үнэхээр баярласышүү тэр үед :D. Хамгийн сүүлд Оюун********аас шинэ жилээр бэлэг, урам эрч хүч хайрласан талархлын захиа, valentine-аар өгсөн шоколад эд нарт бас баярлалаа. Эцэст нь надад чин сэтгэлээ шингээж бэлэг өгөн надад аж жаргал, хайр, баяр баясагалан, инээд хөөртэй цуг амьдралын сайхан мөчүүдийг мэдрүүлж гэнэтийн бэлэг өгч байсан эдгээр Оюун-аар эхэлсэн найзууддаа болон бусад энд дурдаагүй олон андууд, ах дүү, найз нөхөд, анги, ажлынхандаа дахин чин сэтгэлээсээ талархснаа илэрхийлэе. (Мөн тухайн үедээ бэлэгнийх нь хариуг бариж чадаагүй зөндөө хүмүүс байгаа, тэднээсээ бас хүлцэл өчий) Энэ бүгд миний дурсамжуудын л нэг, зүгээр л дурсаж бичсий шүү зөвөөр ойлгоно уу. :)

2009-02-18T02:46:00.000-08:00

MPLS

2009-01-22T00:05:00.000-08:00

Компьютерийн сүлжээ болон харилцаа холбоонд packet-switched(пакет солилцдог) сүлжээний бүлд хамаарагдах MPLS(Multi Protocol Label Switching) гэдэг өгөгдөл зөөх механизм байдаг. MPLS нь OSI загварын давхрага 2(Datalink Layer) болон давхрага 3(Network Layer) хооронд ажилладаг учраас заримдаа 2.5 түвшиний протокол ч гэж нэрлэгддэг. Энэ нь протокол нь өгөгдлийн үйлчилгээний загвар (datagram service model)-ийн circuit-based хэрэглэгчид болон packet-switching хэрэглэгчдийн хооронд нэгдсэн өгөгдөл зөөх үйлчилгээгээр хангагдсан юм. IP пакет болон ATM,SONET, Ethernet фреймуудийг агуулсан өөр өөр төрлийн траффикуудыг зөөхөд хэрэглэгддэг. Тиймээс multiprotocol буюу олон төрлийн протокол гэдэг. Мөн нэмж хэлэхэд QoS(Quality of Service) буюу сүлжээний хурдыг хязгаарлах, болон manage хийхэд хялбархан, мөн траффикийг хурдан дамжуулалтыг хийдэг тул энэ техник нь өөр өөр төрлийн трафикуудын холимгыг түргэн шуурхай зөөвөрлөдөг зэрэг учир холбогдын улмаас өргөн хэрэглэгддэг болсон байна. Гадаадын олон сүлжээний үйлчилгээ үзүүлэгч газрууд дараа үеийн ухаалаг сүлжээг бий болгоход MPLS чухал үүрэг гүйцэтгэнэ гэж ярилцаж байна. Одоогийн байгаа сүлжээний дэд бүтцэд, орчин болоод өөр өөр технологуудын өөрлөлт хийхгүйгээр тэдгээрийн хооронд хялбархан интеграц хийж болох эдийн засгийн хувьд үр ашигтай шийдэл юм. Түүнчлэн MPLS-ийн бүрэлдэхүүн хэсгүүдэд Layer3 VPN-үүд, Layer2 VPN-үүд,GMPLS болон IPv6 зэрэг нь хамаарагддаг. IETF-ийн баримт бичиг RFC3107, RFC4781-д дэлгэрэнгүй тайлбарласан байгаа.

Nagios систем

2009-01-18T19:58:00.000-08:00

Интернэт болон сүлжээгээр үйлчилгээ үзүүлэгч газруудад тухайн сүлжээн дотроо байгаа тоног төхөөрөмжүүд, серверүүд болон workstation-уудаа онлайнд холбогдсон хугацаа болоод найдвартай ажилласан эсэхийг хянаж мэдэх хэрэгцээтэй байдаг билээ. Тиймээс тухай ISP/SP байгууллагуудын 24/7 ажиллладаг NOC(Network Opreration Center) дээр ажиллаж байгаа операторуудад ямар нэгэн сервер жишээлбэл вэб сервер байдаг ч юмуу эсвэл тоног төхөөрөмжүүд DOWN буюу сүлжээний орчинд хариу өгөхгүй, байхгүй болвол дуут дохиолол өгч дэлгэц дээр alarm гармагц түргэн шуурхай асуудлыг шийдвэрлэх хэрэгцээ зайлшгүй тулгардаг билээ. Nagios систем нь үүнд туслах зориулалтаар гарч ирсэн бөгөөд 10 жилийн хөгжүүлэлт, дэлхий даяар 100000+ node байдаг best open source шагнал хүртэж байсан, GPL лицэнз бүхий нээлттэй эхийн систем юм. Систем болон сүлжээний элементүүдийг мод, тойрог зэргээр топологиор оруулан IP,SNMP зэргийг хянах, цаг минут өдөр сар жилээр олон төрлийн тайлан графикуудыг гаргах зэрэг харьцангуй өргөн боломж бүхий функцүүдтэй хэрэгсэл юм. Үнэгүй учир татаж авч болно. Manual, document эд нар нь байгаа.

Дэлгэрэнгүйг: http://www.nagios.org/

Энэ дажгүй зөвөлгөө санагдлаа

2009-01-09T22:23:00.000-08:00

Даруухан бай гэхдээ xулчгар биш
Шүүмжилж бай гэхдээ бүдүүлэг биш
Хатуу бай гэхдээ дээрэлхүү биш
Хөгжилтэй бай гэхдээ тэнэглэж биш
Эрэгцүүлж бай гэхдээ залхуу биш
Итгэлтэй бай гэхдээ их зантай биш
Сайхан сэтгэлтэй бай гэхдээ зөөлөн биш

Зөрлөг УСК

2009-01-08T17:25:00.000-08:00

2008 оны зун Төмөр замын 70-н жилийн ойн үер "Зөрлөг" гээд төмөр замтай холбоотой кино хийх гэж байгаа тухай яриа сонсогдов. Би гэдэг хүн чинь төмөр замын гэдэг айлын нэг бичигхэн эс нь болоод бараг 2 жил хагас болчихсон болхоор төмөр замтай холбоотой зүйлс их ойрхон болчихождээ.. Тиймээс энэ кино нэг үзэх юмсан гэж байтал хоёр найз маань үзий гээд цуг үзвээ. 19:30-ын билетийг нь авах гээд 30 мин өмнө очтол аль хэдийн дууссан байлаа. Залуус монгол кинонуудыг ер нь нилээн үздэг болсон нь sound track-ууд хийдэг болсон мөн кинонуудын зураг авалт зохиомж зэрэг нь сайжирсан, бас маркетинг нь сайжирсан, мөн дөнгөж нээлтээ хийсэн гадаад кинонуудыг тун удалгүй ТВ-ээр гарчдаг болохоор тэгсэн байх гэж боджийна. 21:30-ын билэтийг нь авчаад 2 цаг юу хийх вэ гэж бодож байгаад World Arena орж жаал Garena-аар холбогдож Mongolian Room 7-д Dota тогловоо. Миний level өссөнийг ч хэлэхүү сайн баатрууд таарсныг ч хэлэхүү :p нөхдүүдийг хашрааж 1 цаг 30 мин дотор 3 vs 3, 4 vs 4-өөр 4,5 удаа тоглож бүгдэнд нь хожив.. за тэр ч яахав, хадуурч байна.. :p Кинондоо орий, Зөрлөг кино ерөнхийдөө дажгүй романтик инээдмийн хөөрхөн кино болсон байна лээ. Үйл явдал нь хойшоо Сэлэнгэ аймгын нутгаар Зүүнхараа, Мандал өртөөнуудэд болно. Манлай гээд залуу найз бүсгүй дээрээ очихоор галт тэргээр явжийтал сүү зардаг Тайванаа гээд будилуу нутгын индиан Манлай залууг өөр буудал дээр буулгаснаар холион бантанг нь хутгаж эхлэнэ. Манлай хадмындаа оччихлоо гэж бодтол өөр нэг залуу хүлээж байсан адилхан Гэрлээ нэртэй өөр бүсгүй дээр очсон байв. Тэгээд тэр хоёр угаасан орны даавуунууд өлгөсөн хэцний хоёр талаар бие биенээхээ царайг харалгүйгээр ярилцаад Манлай залуу хуримын бөгжөө гарт нь зүүлгээд өлгөсөн давуунууд дуусмагц бие биенээ эндүүрэл болсныг мэдэээд царай нь гоё хувирцгаана..хэн бэ чи.. харин чи хэн бэ?.. үйл явдал цааш өрнөсөөр.. блаа .. блаа.. блаа .. зарим үзэгдлүүд дээр инээлгэсээр.. блаа блаа блаа.. хэхэ маргааш уулзахын тулд өнөөдөр салдаг, үүрд хамт байхын тулд маргааш уулдздаг... (киноны хэсгээс) эцсийн эцэст сохорсон биш завшив гэгчээр андуурсан биш Манлай залуу заяаны ханьтайгаа учирна. Манлай огтхон ч өртөө андуурч буугаагүй гэж сүүлд нь Гэрлээд хэлдэг. Харин будлиан тарьсан эзэн Тайванаа дээр өөр нэг залуу ирээд найз бүсгүй дээрээ хүргээд өгөөч гэхэд нь морин тэрэгнээсээ хөөж буулгаад хаширсан хүн гэгчээр .. болий чи минь бусдаараа хоёулаа бууз хуушуур шиг явий гэж хэлээд кано дуусдаг.. Тийм нэг гэгээлэг канонууд байдгын нэг байна лээ. бас some funny actions..Дэлгэрэнгүйг нь очоод үзээрээ А,Б-гүй ярьчвал сонирхолгүй болчихно гэж. :)
(Зургуудыг агшин.мн, тэнгис.мн-ээс ашиглав.)
Sound Track-уудыг нь татахаар:
Zurlug:
http://share.gogo.mn/95813221229954219
Dizzy-Durlal yu husne ve:
http://share.gogo.mn/40415341229954261

Сонсохоор:

Дурлал ЮDurlal yu husne ve - Dissy

ЗөрлөгZurlug - ТэNara & Tenuun

Эзгүй арал..

2009-01-07T17:15:00.000-08:00

Хэрвээ та үлдсэн амьдралаа эзгүй арал дээр очиж амьдрахаар болвол ямар гурван зүйлийг авч явах байсан бэ??

Шаргал үст..

2009-01-05T01:49:00.000-08:00

Шаргал үстнүүдийн (Blonde Hair) талаар ингэж ярьдаг Girls with blonde hair are so cute but not so smart.. хэхэ, тэдгээрийг хөөрхөн харагддаг боловч ухаан муутай гэхиймуудаа, тийм яриа байдаг. Мөн барууны орнуудад тэдэнтэй холбоотой олон онигоонууд байдгын нэгийг ярий. Америк, Орос, Шаргал үст гурван оюутан танилцаад ярилцаж байна гэнээ.. Орос оюутан бид нар сансарт анх ниссэн гэж өөрсдөөрөө бахархаж байна гэнэ... Америк хариуд нь юугаараа дутдагын гэж бодоод бид нар саран дээр анх газардсан шдээ гэж гэнэ.. Гэтэл шаргал үст бид нар наран дээр анх бууна гэж төлөвлөж байгаа гэж гэнэ.. Нөгөө хоёр нь гайхаад нар чинь халуун шдээ гэтэл хариуд нь шаргал үст: мэджийнэ шд, мэдээж шөнө нисдгийн байгаа биздээ гэжээ... :p :D

Шинэ эхлэл ..

2009-01-04T22:25:00.000-08:00

Юуны өмнө шинэ оны мэнд хүргэе!

Аливаа юмны төгсгөл гэдэг дараагын зүйлийн эхлэл нь болдог гэж нэг үг байдаг. Хуучин он дуусч шив шинэхэн он эхлэж байна. Хичээлийн шинэ жил эхлэхэд шив шинэхэн дэвтэр дээр шинэ балаар эхлэж бичихэд урамтай байдаг байсан шиг шинэ оны ажлын эхний өдөр маань 2009 онд хийж бүтээе гэсэн урам зориг, хүсэл тэмүүллэлээр дүүрэн эхлэж байгаадаа баяртай байнаа гэж. :-) Шинэ ондоо илүүтэйгээр блогтоо бичлэг оруулах талаар хичээж анхаарах болно. :D

Wireshark-ийн тухай..

2008-12-24T01:20:00.001-08:00

Wireshark нь өмнө нь Ethereal нэрийн доор хэрэглэгдэж байсан GPL лицэнц (энэ нь үнэгүй нээлттэй эхийн лицэнц) бүхий сүлжээний пакетуудад шинжилгээ хийж, тухайн агшинд сүлжээнд ямар протоколууд ямөр өгөгдлийг зөөж байгааг ажиглан харах бололцоог олгодог хэрэгсэл юм. Зарим мэргэжил нэгт бус найзууд маань сүлжээ болон нууцлал, аюулгүй байдалтай холбогдолтой мэдээллүүдээ ойлгогдохгүй нэр томъёотой бичсэн, энгийн хүмүүст ойлгогдохоор бичиж бай гэж шүүмжлэсэн учраас зарим нэр томъёо-г тайлбарлаж аль болох ойлгомжтой байх үүднээс бичихийг хичээе. Бүдүүлэг нэгэн жишээгээр сүлжээний Протоколыг (Network Protocol) тайлбарлахнээ: хоёр компьютерийг хүн байсан гэж дүйцүүлж ойлговол: хоёр хүн мэдээж хоорондоо харилцахын тулд ямар нэгэн хэлээр ярина. Тэрийг нь хэлцэл буюу протокол гэж байгаан. Хүн чихээрээ сонсож, амаараа яридаг шиг компьютерийн сүлжээний картанд ч бас тэр протоколыг хүлээж авдаг RX, буцааж дамжуулдаг TX гэсэн техникийн модулиудтай. Хүний ам, чих нь эд, эсүүдээс бүрддэг шиг тэр электроникийн модуль нь ч бас микрочип, хагас дамжуулагч нараас бүрдэнэ... хэт гүнзгийрхээ болий :-p, хүмүүс орос, англи, франц... олон янзын хэлээр ярьдаг шиг компьютерууд хоорондоо TCP, UDP, HTTP, ICMP протоколуудыг хэрэглэнэ. Англи хэлний дүрэм гэдэг шиг эдгээр протоколуудад RFC(Request For Comment) гэх мэт олон улсын IETF, ITU.. байгууллагуудаас гаргасан стандартууд байдаг. Бас болоогүй хар яриа, албаны яриа гэж байдаг шиг дотроо бас протоколууд нь түвшинтэй гэж байгаа.. Заза жишээ сунжирчихлаа гэж. Энэ Wireshark гээд хэрэгсэл маань товчхондоо нөхдүүд ер нь юу яриад байна гэдгийг мэдэж болно. Ө.х тухай сүлжээний орчинд комьютерууд гэлтгүй төхөөрөмжүүд хоорондоо ямар протокол ашиглаж, яаж хоорондоо холбогдож байгаа болон түүгээр нь ямар өгөгдөл дамжиж явна гэдгийг анализ хийж болно гэсэн үг юм. Шоглоод хэлчихвэл хэрэгт дуртай тагнуулч гэсэн үг гэж... хэхэ. Windows дээр татаж авч суулгаад туршиж үзэх болно. Гол нь та халтар мултар ч хамаагүй сүлжээний протоколын хэлийг ойлгодог байх хэрэгтэй гэж...
Хаяг нь: http://www.wireshark.org/download.html
Screenshot:

Нэгэн үлгэр..

2008-12-21T23:12:00.000-08:00

/Гадаад нэрийг нь монголоор солиод оруулав/

...Дорж, Батаа, Дулмаа гурван найз нэгэн арлын оронд амьдардаг байжээ. Дорж хөгжилтэй нийтэч нэгэн, Батаа харин дуугай ноомой нэгэн байж гэнэ. Цаг хугацаа явсаар, гурван найз найзласаар Дорж, Батаа хоёр Дулмаад зэрэг сайн болжээ. Дулмаа харин Доржид сайн байсан болхоороо Доржыг сонгожээ. Ингээд Дулмаа Дорж хоёр үерхэх болов. Нэгэн удаа Дорж арлаас усан онгоцоор холын өөр хот ороод ирэх ажилтай болж гэнэ. Дорж явахдаа найз Батаадаа түүнд Дулмааг харж хандаж байгаарай гэж захив. Гэтэл Доржын суусан онгоц замдаа живж гэнэ. Онгоцонд явсан дийлэнх хүмүүс нас барж гэнэ. Тийм мэдээ ч бас Дулмаагийн чихэнд хүрч гэнэ. Хэсэг хугацааны дараа Батаа Дулмаад хандан найз маань чамайг харж хандаж байгаа гэж захисан, одоо нэгэнт Дорж ирэхгүй болсон юм чинь чамтай сууя гэж гуйж гэнэ. Дулмаа зөвшөөрсөнгүй. Дулмаа хүлээсээр л .. 3 жил хүлээгээд ирэхгүй болхоор нь Батаад зөвшөөрчээ. Тэр 2 ч сууж хамт амьдрах болов. Гэтэл Дорж ослоос амьд гарсан байв. Дорж мэдэхгүй газар очиж 4 жил эмчилгээ хийлгэж гэнэ. Энэ хугацаанд Дулмаатай холбоо авах ямарч боломж байсангүй. Тэгээд эдгэрээд нутгаа зорисоор арал дээрээ иртэл Дулмаа Батаа хоёр үнэхээр аз жаргалтай хамт амьдарч байгааг сэм харж гэнэ. Дорж хэдийгээр өөрийгөө амьд байгаа гэдгийг Дулмаад хэлэхийг үнэхээр их хүсэж байсан боловч .. хоёр найзынхаа аз жаргалтай байдлыг огтхон ч эвдэхийг хүссэнгүй, юм өөрөөр иргэнэ гэж гадарлажийсан учир өөрийн аминч үзлээ үгүйсгээд өөрөөсөө илүүтэйгээр тэднийгээ сайхан амьдарч байгаад нь баярлаад тэдэнд огт мэдэгдэхгүйгээр буцаад яваад өгчээ...

Ингэхэд.. Та өнөөдөр инээмсэглэсэн үү? :-)

2008-12-17T21:53:00.000-08:00

Ажилдаа түүртээд.., эсвэл ачаалалдаа стресстээд.. инээмсэглэлд та цаг гаргасан уу? Чин сэтгэлээсээ инээмсэглэж, инээж байгаа хүмүүсийг хархаар тэр орчны жавар үргэх шиг болдийшд :D, Дээр үед анх Dale Carneige-ийн цувралуудыг уншиж байхад инээмсэглэл ямар хүчтэй болох тухай мэддэг болж билээ. Их сургуульд байхад манай нөгөө ангийн нэг охин үргэлж инээмсэглэж явжийдаг байсын, ямар сайндаа л манай найзууд тэгдэг байсын Баясалын инээмсэглэсэн царайг хараад гашуудал зарласан гунигт автсан хүн ч инээмсэглэнээ.. гэж. :) Өөрөө ч бас Баясал нэртэй. Заримдаа бид өөрсдийнхөө инээмсэглэж байгаа эсэхээ ч мэдкүй явжийдаг юм шиг санагддын шд. Өөрийнхөө царайг толинд нэг хараад үзээрэй гэсэн .. хэхэ. Мөн хажууд сууж байгаа болон эргэн тойрныхоо бүх хүмүүст чин сэтгэлийн инээмсэглэл бэлэглээрэй.. :D, Үзэн яддаг, эсвэл дургүй байсан ч хамаагүй ээ чин сэтгэлээсээ инээмсэглэл бэлэглэвэл та ч бас эргүүлэн авах нь дамжиггүй.. Инээмсэглэлийг personal имиж бас брэнд-ээ болгоцгоое... :D